Քաղաքացիներին բերման ենթարկման հիմքերի վերաբերյալ ՄԻՊ-ը պարզաբանումներ կպահանջի ոստիկանությունից

Պարոնյան փողոցից այսօր քաղաքացիներին բերման ենթարկելու առնչությամբ Մարդու իրավունքների պաշտպանի արագ արձագանքման խումբը մեկնել է Ոստիկանության բաժիններ՝ ապահովելու բերման ենթարկվածների իրավունքների պաշտպանությունը։ Բացի այդ, Պաշտպանը բերման ենթարկման հիմքերի ու անձանց հավաքների ու խոսքի ազատությունն իրացնելու այլ հարցերի վերաբերյալ պարզաբանումներ կպահանջի Ոստիկանությունից։ Այս պահին ՄԻՊ-ին հայտնի է 6 բերման ենթարկվածի մասին։ Նրանցից 2-ը բերման են ենթարկվել Ոստիկանության Արաբկիրի բաժին, 4-ը՝ Ոստիկանության Էրեբունու բաժին։ ՀՀ Մարդու իրավունքների պաշտպանի աշխատակազմ

Աղբյուր՝https://www.ombuds.am/am/site/ViewNews/2411

© dialoguemc.am  Freedom of speech & Pluralism