ԱՄՆ-ն մտահոգություն է հայտնել ադրբեջանցի զինվորականների տեղաշարժերի կապակցությամբ

ԱՄՆ պետքարտուղարի օգնական Քարեն Դոնֆրիդն Ադրբեջանի ԱԳՆ ղեկավար Բայրամովի հետ զրույցում մտահոգություն է հայտնել ադրբեջանական ռազմական տեղաշարժերի կապակցությամբ ու նշել, որ ուղիղ երկխոսությունը առանցքային է այս խնդրի լուծման համար։ Այս մասին ճեպազրույցի ժամանակ հայտնել է ԱՄՆ պետքարտուղարության խոսնակի տեղակալ Վեդանտ Պատելը։ «Պետքարտուղարի օգնական Քերըն Դոնֆրիդն այսօր առավոտյան զրուցել է արտաքին գործերի նախարար Բայրամովի հետ և մտահոգություն հայտնել ադրբեջանական ռազմական տեղաշարժերի կապակցությամբ։ Նա ընդգծել է ԱՄՆ-ի հավատարմությունը Հայաստան-Ադրբեջան խաղաղ բանակցություններին։ Ինչպես քարտուղարը ևս բազմիցս խոսել է այս մասին, ուղիղ երկխոսությունն առանցքային է այս խնդրի լուծման և կայուն խաղաղության հասնելու համար։ Այս հակամարտությունը ռազմական լուծում չունի։ Մենք կշարունակենք նպաստել Հայաստանի և Ադրբեջանի միջև ինչպես երկկողմ ձևաչափով, այնպես էլ գործընկերների ու բազմակողմ կազմակերպությունների հետ քննարկումներին»,-ասել է Պատելը:

Աղբյուր `https://www.state.gov/briefings/department-press-briefing-march-27-2023/?fbclid=IwAR3qLKZDnlwUqj-_hToLlRF3Yf5D7nj9njEjd1wJ2NV73x6vE8lfozsGvQE#post-433188-Arneniaazerbaijan

© dialoguemc.am  Freedom of speech & Pluralism