Երևան-Գյումրի ճանապարհին «Գազելը» կողաշրջվել է, կա 5 զոհ

Երևան-Գյումրի ավտոճանապարհի 50-րդ կմ-ին այսօր վաղ առավոտյան «Գազել» մակնիշի մարդատար ավտոմեքենան դուրս է եկել ճանապարհի երթևեկելի գոտուց և կողաշրջվել, հայտնում է Արտակարգ իրավիճակների նախարարությունը։ Կա 5 զոհ և 10 տուժած։ 7 տուժած հոսպիտալացվել է «Արմենիա» բժշկական կենտրոն, 3 տուժած տեղափոխվել է Աշտարակի բժշկական կենտրոն, որտեղ վերջինների առողջական վիճակը գնահատվել է բավարար։ Ավելի ուշ Առողջապահության նախարարությունը հայտնեց հոսպիտալացված 13 վիրավորի մասին։ Ըստ նախարարության,10 տուժած, տարբեր աստիճանի մարմնական վնասվածքներով, տեղափոխվել է «Արմենիա» բժշկական կենտրոն, 3-ի վիճակը գնահատվում է ծայրահեղ ծանր, ներկա պահին 2-ը վիրահատվում են, մյուսների վիճակը գնահատվում է միջին ծանրության: Տուժածներից 3-ն էլ տեղափոխվել են Աշտարակի բժշկական կենտրոն, որոնց վիճակը գնահատվել է միջին ծանրության:

Աղբյուր՝ http://mes.am/hy/accidents/item/2021/10/20/0810/

© dialoguemc.am  Freedom of speech & Pluralism