Subscribe
0 Comments
Զբոսաշրջության ներուժը մեծացնելուն ուղված ծրագիր մի քանի մարզերում
Կառավարությունն այսօր հավանություն է տվել Հայաստանի Հանրապետության և Վերակառուցման և զարգացման միջազգային բանկի միջև «Հայաստանի զբոսաշրջության և մարզային ենթակառուցվածքների ծրագիր» վարկային համաձայնագրի ստորագրման առաջարկությանը:
Ծրագրի նպատակն է բարելավել կլիմայակայուն ենթակառուցվածքների հասանելիությունը և ավելացնել այստեղ ընդգրկված կլաստերների տեղական տնտեսություններում զբոսաշրջության ներդրումը։ Ընդհանուր արժեքը կազմում է 120 մլն 500 հազար եվրո, որից 96 մլն 400 հազար եվրոն վարկային միջոցներն են, իսկ 24 մլն 100 հազար եվրոն՝ ՀՀ կառավարության համաֆինանսավորումը։
Ծրագիրը Հայաստանի զբոսաշրջության ներուժը մեծացնելու նպատակ ունի՝ երկրի մի քանի մարզերում թիրախային ենթակառուցվածքի և «փափուկ» ներդրումների միջոցով։
Մասնավորապես, այն կօժանդակի զբոսաշրջության առանձնացված կլաստերներից յոթին՝ խթանելով գինու, առողջարանային, արկածային, մշակութային, կրթական և էկոզբոսաշրջությունը Արարատի, Վայոց ձորի, Շիրակի, Տավուշի և Սյունիքի մարզերում։
Գյումրու կլաստերով՝ առաջարկվող ծրագրի իրականացման արդյունքում հնարավոր կլինի տեղական և մարզային մասնագիտական կրթության և ծառայությունների որակի կատարելագործման աջակցություն տրամադրել։
Հնարավոր միջոցառումները կարող են ներառել Գյումրու շուկայի վերականգնումը` շուկայի մշակութային ժառանգությունը պահպանելու նպատակով, Գյուլբենկյան պատմական շենքի վերականգնումը և Լոզանի հյուրընկալության դպրոցի մասնաճյուղի այդտեղ տեղակայելու հնարավորությունը, արհեստավորների դպրոցի ստեղծումը։
© dialoguemc.am Freedom of speech & Pluralism
Հեռ. ՝ +37498 691-690; Էլ. Փոստ ՝ dialoguemediacenter@gmail.com
wpDiscuz