Քվորում չլինելու պատճառով Գյումրու ավագանու նիստը չկայացավ

Ավագանու 33 անդամներից ներկա էին 16-ը։ Բացակայում էին ՔՊ խմբակցության բոլոր անդամները։ Բացակա էին նաև ընդդիմադիր ուժերից մեկի՝ « Մեր քաղաքը» խմբակցության ավագանու անդամ Նարեկ Միրզոյանը և օրերս մանդատ ստացած, սակայն ներկայում զանգվածային անկարգություններին մասնակցելու կասկածանքով կալանքի տակ գտնվող Տիգրան Ավագյանը՝ Կոմունիստական կուսակցությունից։

Վերջինս, ինչպես տեղեկացրել է լրագրողների հետ զրուցում «Կոմունիստական կուսակցություն» խմբակցության քարտուղար Լուսինե Անանյանը, հրաժարվել է մանդատից, այն կփոխանցվի Վարդան Ղուկասյանի գլխավորած «Կոմունիստական կուսակցություն» խմբակցության ցուցակի հաջորդ համարին։

© dialoguemc.am  Freedom of speech & Pluralism