«Ռուս-ուկրաինական պատերազմի տնտեսական ռիսկերն ու հնարավորությունները ՀՀ-ի համար»

Ռուս-ուկրաինական պատերազմի հետևանքով արևմտյան տնտեսական պատժամիջոցները, որոնք սահմանվել են ՌԴ-ի նկատմամբ, մեծ ազդեցությունը կթողնեն նաև համաշխարհային տնտեսության վրա։ Հայաստանը ևս անմասն չի մնա այդ ցնցումներից։ Ռուսական ռուբլու շարունակական արժեզրկումը արդեն հանգեցրել է Հայաստանից արտահանման կրճատման։ Բացի այդ՝ Ռուսաստանը համարվում է Հայաստանի տնտեսության մեջ խոշորագույն ներդրողն ու արտագնա աշխատանքի մեկնելու հիմնական ուղղությունը։ Ռուսական ընկերությունների նկատմամբ արևմտյան պատժամիջոցները կարող են արտացոլվել նաև Հայաստանում գործող նրանց դուստր ընկերությունների վրա։Չնայած իրավիճակը առավելապես բացասական հետևանքներ կարող է ունենալ հայաստանյան տնտեսության վրա, սակայն բացառված չեն նաև հնարավորությունները: