88-ից 37 տարի անց․ եկեղեցական ու քաղաքական լարվածություն Գյումրիում

1988 թվականի աղետալի երկրաշարժից 37 տարի անց էլ դեկտեմբերի 7-ը շարունակում է ծանր հիշողություններ բերել հանրապետության երկրորդ քաղաք՝ Գյումրի։

 Առավոտյան վարչապետ Նիկոլ Փաշինյանը, Հանրապետության նախագահ Վահագն Խաչատուրյանը, ԱԺ նախագահ Ալեն Սիմոնյանը, մի շարք պատգամավորներ, նախարարներ, մարզային ու համայնքային իշխանությունների ներկայացուցիչներ այցելեցին 88-ի անմեղ զոհերի հուշարձան և խոնարհեցին ծաղիկներ։

 Շիրակի թեմի որոշմամբ՝ անմեղ զոհերի հիշատակին նվիրված պատարագն անցկացվեց Գյումրու Սուրբ Ամենափրկիչ եկեղեցում, քանի որ ավելի վաղ հայտնի էր դարձել, որ դեմ-դիմաց գտնվող Սուրբ Յոթ Վերք եկեղեցում վարչապետի գլխավորությամբ ՔՊ-ի ներկայացուցիչները նույնպես պետք է մասնակցեին պատարագի, որտեղ չեն հիշատակվելու կաթողիկոս Գարեգին Բ-ի և Շիրակի թեմի առաջնորդ Միքայել Աջապահյանի անունները։ Նրանք, ովքեր փորձել էին հիշատակել կաթողիկոսի անունը, արագ հեռացվել էին տարածքից։

Պատարագը մատուցեց Արմավիրի թեմի Տեր Մկրտիչ քահանա Մուշադյանը։ ՔՊ-ական պաշտոնյաները վստահեցնում են․ այստեղ քաղաքական ենթատեքստ չկա։

 Շիրակի մարզպետ Դավիթ Առուշանյանը նշեց, որ Գյումրին «ուղղում է կռացած մեջքը», սակայն առաջընթացը դանդաղ է՝ հատկապես հաշվի առնելով, որ 37 տարի անց էլ քաղաքում դեռևս կան տնակներ։

 Արմավիրի թեմի Տեր Մկրտիչ քահանա Մուշադյանից բացի պատարագին ներկա էին չորս սրբազաններ, սակայն Շիրակի թեմի հոգևորականներից Տեր Նշան քահանա Պանֆյորովը այս մասին այլ կարծիք ունի, ինչը հանգեցրեց լարված իրավիճակի։ ։ Հավանաբար այս միտքը հունից հանեց Յոթ Վերք եկած ՔՊ-ի աջակից քաղաքացուն, որն ինչպես պարզ դարձավ Գյումրիից չէր։

Գյումրու ավագանու «Իմ հզոր համայնք» խմբակցության ղեկավար Ռուբեն Մխիթարյանը համայնքապետարանի շենքից պաստառ էր բարձրացրել՝ ի աջակցություն անազատության մեջ գտնվող սրբազանների։Ոստիկանները մի քանի րոպե անց նրան հեռացրին տարածքից։