ՊՆ-ն մանրամասներ է հայտնել «Կամազ»-ի վթարից

Նոյեմբերի 16-ին՝ ժամը 09:50-ի սահմաններում, ՀՀ ՊՆ «Կամազ» մակնիշի ավտոմեքենայի կողաշրջման հետևանքով մահացել է զինծառայող Գրիգոր Արթուրի Գրիգորյանը (ծնված՝ 2000թ.)․ տեղեկացնում են ՀՀ ՊՆ-ից։ Հայաստանի Հանրապետության պաշտպանության նախարարությունը կիսում է կորստյան ծանր վիշտը և զորակցություն հայտնում զոհված զինծառայողի ընտանիքի անդամներին, հարազատներին և ծառայակիցներին: Մարմնական վնասվածքներ են ստացել 7 զինծառայողներ, որոնք տեղափոխվել են կայազորային հոսպիտալ, հետազոտվել են և ստանում են անհրաժեշտ բուժօգնություն. զինծառայողների կյանքին վտանգ չի սպառնում: Դեպքի հանգամանքները լիարժեք պարզելու համար տարվում է քննություն: Հիշեցնենք, որ Factor.am-ը ավելի վաղ տեղեկացրել էր, որ դեպքը տեղի է ունեցել Գեղարքունիքի մարզի Կութ գյուղում։

Աղբյուր՝ https://www.mil.am/hy/news/11170

© dialoguemc.am  Freedom of speech & Pluralism