Արցախից Հայաստան տեղափոխվելիս առևանգված ուսանողները վերադարձվել են Հայաստան

Արցախից Հայաստան տեղափոխվելու ժամանակ առևանգված Լեռնային Ղարաբաղի բնակիչներ՝ Ալեն Նելսոնի Սարգսյանին, Լևոն Ժիրայրի Գրիգորյանին և Վահե Ջանբուլաթի Հովսեփյանին ադրբեջանական կողմը Հայաստանի և Ադրբեջանի պետական սահմանի Հակարիի կամուրջի տեղամասում փոխանցել է Հայաստանի ԱԱԾ սահմանապահ զորքերին, հայտնում է ՀՀ ազգային անվտանգության ծառայությունը։ Արցախի մարդու իրավունքների պաշտպանը հայտնում է, որ երիտասարդների «առևանգման մանրամասների, Ադրբեջանի կողմից կամայական և ապօրինի ազատազրկման ընթացքում նրանց նկատմամբ վերաբերմունքի և առողջական իրավիճակի մասին Արցախի ՄԻՊ հաստատության կողմից կիրականացվի ուսումնասիրություն»։ Արցախցի ուսանողները ադրբեջանական սահմանապահների կողմից արգելանքի էին վերցվել օգոստոսի 28-ին ԼՂ-ից ՀՀ ուղևորվելիս։

https://www.sns.am/hy/news/view/885

© dialoguemc.am  Freedom of speech & Pluralism