Գյումրին և Շիրակի մարզն ունեն զբոսաշրջության զարգացման մեծ ներուժ

Գյումրին և Շիրակի մարզն ունեն զբոսաշրջության զարգացման մեծ ներուժ Շիրակի մարզպետարանում քննարկվել են 2026–2030 թվականների զբոսաշրջության զարգացման ծրագրերն ու Գյումրու ենթակառուցվածքների բարելավման առաջիկա քայլերը։ Հանդիպմանը մասնակցել են մարզպետ Դավիթ Առուշանյանը, Զբոսաշրջության կոմիտեի նախագահ Լուսինե Գևորգյանը և ոլորտի ներկայացուցիչները։ Ներկայացվել են կլաստերային զարգացման ծրագրերը, որտեղ առաջնահերթ են պատմամշակութային, գաստրո և արկածային տուրիզմները։

Մարզպետը նշել է, որ Շիրակն ունի մեծ զբոսաշրջային ներուժ և կարող է դառնալ երկրի առաջատար ուղղություններից մեկը։ Քննարկվել են նաև ոլորտի խնդիրներն ու առաջարկները։ Պաշտոնյաները շրջայց են կատարել Գյումրիում՝ դիտարկելով ենթակառուցվածքային ծրագրերի հաջորդ փուլը։ Այցելել են Հաղթանակի զբոսայգի, կենտրոնական շուկա և Սևյանի մշակույթի նախկին պալատ։ Նշվել է, որ պատմամշակութային կառույցների վերականգնումը և ժամանակակից լուծումների ներդրումը կարող են էապես խթանել զբոսաշրջությունը։ Կողմերը պայմանավորվել են շարունակել համագործակցությունը։

© dialoguemc.am  Freedom of speech & Pluralism