Subscribe
0 Comments
Շիրակի քրեական ոստիկանները թմրամիջոցի իրացման դեպք են բացահայտել
Քրեական ոստիկանության Շիրակի մարզային վարչության ծառայողները մայիսի 12-ին օպերատիվ տեղեկություն էին ստացել, որ Գյումրիի բնակիչ 55-ամյա տղամարդը 28-ամյա մի երիտասարդի թմրամիջոց է իրացրել։
Իրացնելով օպերատիվ տեղեկությունը՝ քրեական ոստիկանները 28-ամյա երիտասարդին հայտնաբերել, թմրամիջոց ձեռք բերելու և օգտագործելու հիմնավոր կասկածանքով ձերբակալել և տեղափոխել են մարզային վարչություն։ Նրա անձնական խուզարկությամբ հայտնաբերվել է մարիխուանա տեսակի թմրամիջոցի նմանվող զանգվածով փաթեթ։ Բացատրական աշխատանքի արդյունքում երիտասարդը հայտնել է, որ թմրամիջոցը նույն օրն իրեն է իրացրել գյումրեցի 55-ամյա տղամարդը։
Նախաձեռնվել է քրեական վարույթ, որի շրջանակում կատարված խուզարկությամբ 55-ամյա տղամարդու բնակության հասցեում հայտնաբերվել է մարիխուանա թմրամիջոցի զանգվածով 8 փաթեթ՝ ընդհանուր 13,97 գրամ քաշով։
55-ամյա տղամարդը ձերբակալվել և տեղափոխվել է ձերբակալվածների պահման վայր։
Նախաքննությունը շարունակվում է։
© dialoguemc.am Freedom of speech & Pluralism
Հեռ. ՝ +37498 691-690; Էլ. Փոստ ՝ dialoguemediacenter@gmail.com
wpDiscuz