Զինծառայողի մահվան դեպքի առթիվ հարուցվել է քրեական գործ. ձերբակալվել է դիրքի ավագը

2021թ. հուլիսի 16-ին՝ ժամը 21:45-ի սահմաններում, ՀՀ ՊՆ N զորամասի կրակային դիրքում մարտական հերթապահություն կրելու կանոնները խախտելու հետևանքով արձակված կրակոցից գլխի շրջանում հրազենային վնասվածք է ստացել պարտադիր ժամկետային զինծառայող Արթուր Խաչատուրի Ղազարյանը: Զինվորական հոսպիտալ տեղափոխվելու ճանապարհին Ա. Ղազարյանը մահացել է: Դեպքի առթիվ ՀՀ քննչական կոմիտեի զինվորական քննչական գլխավոր վարչության հինգերորդ կայազորային քննչական բաժնում ՀՀ քրեական օրենսգրքի 365-րդ հոդվածի 3-րդ մասով (Մարտական հերթապահություն կամ մարտական ծառայություն կրելու կանոնները խախտելը) հարուցվել է քրեական գործ: Այս մասին տեղեկացնում է ՀՀ քննչական կոմիտեն: ՀՀ քրեական օրենսգրքի 365-րդ հոդվածի 3-րդ մասով նախատեսված հանցանք կատարելու կասկածանքով ձերբակալվել է դիրքի ավագ, լեյտենանտ Հ. Ա.-ն: Քրեական գործով նախաքննությունը շարունակվում է:

Աղբյուր՝ https://www.investigative.am/news/view/zincarayox-artur-xazaryan.html

© dialoguemc.am  Freedom of speech & Pluralis

Հեռ. ՝ +37498 691-690; Էլ. Փոստ ՝ dialoguemediacenter@gmail.com