Գյումրու քաղաքապետի թեկնածու Հովհաննես Հարությունյանը ներկայացրել է նախընտրական ծրագիրը

Երեկ՝ սեպտեմբերի 30֊ին, տեղի է ունեցել «Քաղաքացիական պայմանագիր» կուսակցության Գյումրու ավագանու համամասնական ընտրությունների նախընտրական ծրագրի ներկայացումը։ ՔՊ վարչության անդամ, ԱԺ պատգամավոր Արսեն Թորոսյանը, ելույթ ունենալով, խոսել է Գյումրու ավագանու ընտրությունների կարևորության և զարգացման հնարավորությունների մասին։ Գյումրու քաղաքապետի թեկնածու Հովհաննես Հարությունյանը ներկայացրել է նախընտրական ծրագիրը։ Այն ներառում է իրատեսական դրույթներ՝ քաղաքում առկա բոլոր խնդիրների լուծման վերաբերյալ։ Հովհաննես Հարությունյանի խոսքով՝ արվելու է ամենը, որպեսզի ոլորտային խնդիրներին ճշգրիտ և իրատեսական լուծումներ տրվեն և դրանք խելամիտ ժամկետներում կյանքի կոչվեն։

© dialoguemc.am  Freedom of speech & Pluralism