Վահագն Խաչատուրյանն ընտրվել է Հայաստանի Հանրապետության նախագահ

Վահագն Խաչատուրյանն ընտրվել է Հայաստանի Հանրապետության նախագահ Ազգային ժողովը Վահագն Խաչատուրյանին ընտրել է Հայաստանի Հանրապետության նախագահ: Փակ գաղտնի քվեարկության արդյունքները հայտարարել է Հաշվիչ հանձնախմբի նախագահ Նարեկ Բաբայանը: Նախագահի ընտրության երկրորդ փուլի քվեարկությանը մասնակցել էր 71 պատգամավոր, որոնք բոլորն էլ կողմ էին քվեարկել: Խաչատուրյանի թեկնածությունը ներկայացրել էր «Քաղաքացիական պայմանագիր» խմբակցությունը: Ընդդիմադիր «Հայաստան» և «Պատիվ ունեմ» խմբակցությունները նախագահի թեկնածության հարցի ոչ քննարկմանը, ոչ քվեարկությանը չեն մասնակցել: Ընտրության առաջին փուլում Խաչատուրյանը չէր ընտրվել, նրա օգտին կողմ էր քվեարկել 69 պատգամավոր, այնինչ անհրաժեշտ էր 81 կողմ ձայն: Այսպիսով` անցկացվել էր ընտրության երկրորդ փուլ, որում ընտրվելու համար բավարար էր 64 կողմ ձայնը:

© dialoguemc.am  Freedom of speech & Pluralism