🌾 Շիրակին՝ շուրջ 590 մլն դրամ․ աջակցություն վնասված գույքի և գյուղատնտեսության համար

Կառավարությունը Շիրակի մարզպետի աշխատակազմին հատկացրել է 589 միլիոն 924 հազար դրամ՝ բնակելի շենքերին, գյուղատնտեսական գույքին, ջերմատներին և տրանսպորտային միջոցներին պատճառված վնասները մասնակիորեն մեղմելու նպատակով։

Հատկացված միջոցները կուղղվեն՝

բազմաբնակարան շենքերի վնասված տանիքների վերականգնման աջակցությանը,

անհատական բնակելի տների տանիքների վնասների մասնակի փոխհատուցմանը,

ջերմատների ապակե ծածկերի վերականգնմանն ու պոլիէթիլենային թաղանթների վնասների մեղմմանը,

գյուղատնտեսական հողատարածքներին և բուսաբուծությանը պատճառված վնասների մեղմմանը,

ավտոմեքենաների վնասների մասնակի փոխհատուցմանը։

Միջոցների հատկացման և բաշխման կարգը հաստատվել է կառավարության որոշմամբ։ Աջակցության նպատակն է թեթևացնել կրած վնասների ֆինանսական բեռը և նվազեցնել դրանց սոցիալ-տնտեսական հետևանքները։